O MAR É DE PLÁSTICO
Oxodia Xoias x Proxecto aMARte
O mar está ameazado pola nosa falta de conciencia. Cada día, as praias amanecen cheas de lixo: plásticos, redes, aparellos de pesca, etc. O impacto é devastador para a vida mariña e para a nosa propia saúde. Non podemos permitir que o lixo afogue a beleza do mar, por iso o motivo de sacar esta colección, para concienciar á sociedade sobre a importancia e o respeto do medio ambiente. Esta colección está apoiada polo Proxecto aMARte, que nos mostra o lixo que se atopa nas praias cada día a través de fotografías con motivo mariño. É hora de que xuntos obremos para protexer este patrimonio ambiental e cultural para as xeracións futuras.
Cupón 8€ de desconto: omaredeplastico (xoia + fotografía)
Se o cupón se emprega para outro uso, non se recollerá o pedido.
"Por un mar limpo". - Aura Noctis.
CURIOSIDADES
Lixo Atelier
María, tamén coñecida como Lixo Atelier nas redes, foi unha das pioneiras en abordar o problema do lixo mariño ao patentar un proxecto innovador que busca mitigar o impacto dos residuos no mar. Aproveitando as crebas que ela mesma recolle nas praias, fai xoias únicas inspiradas no contexto mariño e é unha principal referente para este proxecto.
Proxecto aMARte
Proxecto aMARte é un proxecto persoal de Antón e Patri. Unha iniciativa que mestura arte, fotografía e activismo ambiental que iniciou a súa actividade para concienciar sobre a contaminación mariña. Xerminando ao norte de Galicia, o proxecto combina acción local, expresión artística e voluntariado para protexer o mar e a súa biodiversidade.
Oxodia Xoias
Súmome con entusiasmo á causa de limpar as praias e reducir a contaminación mariña dando a coñecer toda a información que hai nesta páxina. Hoxe e sempre, presentarei esta colección con moito amor, porque ten un significado moi especial para min. A inspiración xurdiume de miña nai e do meu fogar en Louro, pois cada unha das xoias leva o nome de algo que representa un motivo deste lugar tan querido. Así, estas xoias non son só adornos, senón tamén portadoras de sentimentos que teño e que me conectan profundamente con este sitio tan especial que levo sempre no corazón.
A memoria do mar é infinita. - Mario Benedetti.
Bótalle un ollo a estas outras emprendedoras:
Aura Noctis (Instagram: aura.noctis)
Aura Noctis é unha emprendendora que fai cadros con lixo do mar nun intento de conxugar o seu traballo como enmarcadora coa súa dedicación de crebeira.
Aurarte (Instagram: @aurarte___)
AURARTE busca reivindicar o respecto cara a natureza empregando elementos naturais e material reciclado recollido das costas, sendo cada xoia única, coa súa propia historia que contar e a súa aura e enerxía para transmitir.
RetoqueRetro (Instagram: retoqueretro_)
RetoqueRetro transforma o lixo mariño en arte. Limpando e recollendo o lixo das praias, fan creacións únicas saídas do mar nun intento de concienciar a xente sobre a necesidade de coidalo para seguir disfrutando del nun futuro.
@sofisocials deseñou esta páxina